Pardoz va atir buyumlar

Mijozlar uchun Oferta.

Mijozlar uchun oferta

Mazkur ommaviy Oferta (keyingi o‘rinlarda — Shartnoma) «Agrobank» Aktsionerlik tijorat bankining u bilan joriy hujjatda keltirilgan shartlar asosida mahsulotga doir oldi-sotdi shartnomasini tuzish layoqati va zarur vakolatlarga ega bo‘lgan har qanday jismoniy yoki yuridik shaxslarga yo‘naltirilgan rasmiy taklifi hisoblanadi va shartnomaga qarashli barcha muhim talablarni o‘z ichiga oladi.

 I. UMUMIY QOIDALAR.

1.1. Bu marketpleys «Agrobank» ATB xizmati hisoblanadi hamda bu marketpleysda taqdim etilgan Tovarga buyurtma berish orqali Xaridor joriy ofertaning barcha shartlariga o‘z roziligini bildiradi.

1.2. Internet maydon ma’muriyati Xaridorni oldindan ogohlantirmagan holda ofertaga o‘zgartirish kiritish huquqiga egadir.

1.3. Ofertaning amal qilish muddati chegaralanmagan (agar internet maydon boshqacha tartiblar keltirilmagan bo‘lsa).

II.TOVAR NARXI.

2.1. Har bir Tovarning narxi http://chakana.uz  internet-manzilida joylashgan internet maydonda ko‘rsatilgan.

2.2. Tovar narxi sotuvchilar tomonidan mustaqil ravishda o‘rnatiladi va internet-do‘kon sahifalarida ko‘rsatiladi.

2.3. Tovarlar narxi O‘zbekiston Respublikaning milliy valyutasi – so‘mda ko‘rsatiladi.

2.4. Sotuvchi bir tomonlama tartibda har qanday Tovar pozitsiyasi uchun narxlarni o‘zgartirish huquqiga ega.

2.5. Xaridor tomonidan buyurtma berilgan Tovar narxini sotuvchi o‘zgartira olmaydi.

III. ShARTNOMANI RASMIYLAShTIRISh JARAYoNI.

3.1. Ushbu shartnomaning matni ommaviy oferta hisoblanadi (O‘zbekiston Respublikasi Fuqarolik kodeksining 369-moddasi 2-qismi va 426-moddasiga asosan).

3.2. Xaridor tomonidan joriy oferta shartlariga rozilik bildirish asosida tuziladigan shartnoma - Xaridor hech qanday istisnolar va bahonalarsiz qo‘shiladigan birlashtiruv shartnomasi hisoblanadi.

3.3. Saytda grafik tasvir-namunalari ko‘rinishida taqdim etilgan tovarlar internet maydonning xususiy mulki hisoblanadi.

3.4. Xaridor so‘roviga asosan internet maydondagi sotuvchilar (telefon yoki elektron pochta orqali) Xaridor uchun zaruriy va sub’ektiv nigohda etarli hisoblangan ma’lumotni Tovar xaridiga doir qaror qabul qilinishi uchun taqdim etishga majburdir.

3.5. Xaridor tomonidan tovarlarga buyurtma berilishi uning mazkur Shartnoma talablariga e’tirozsiz ravishda roziligini anglatadi.

3.6. Sotuvchining (buyurtmani rasmiylashtirgan) internet maydonidan muayyan Tovarni sotib olgan Xaridor ushbu shartnoma doirasida sotuvchi bilan savdo munosabatlariga kirishgan shaxs sifatida baholanadi.

IV. Xaridorning majburiyatlari:

4.1. Shartnomani tuzish oldidan undagi ma’lumotlar va shartlar, sotuvchi tomonidan internet maydonda keltirilgan tovar narxlari, shuningdek, http://chakana.uz internet manzili bo‘yicha joylashgan internet maydon sahifalarida keltirilgan boshqa shartlar bilan tanishib chiqishi;

4.2. Sotuvchi o‘z majburiyatlarini bajarishi uchun xaridor uni mijoz sifatida aniqlashga yordam beradigan va mahsulotni etkazib berish xizmatidan foydalanilgan taqdirda buning uchun kerakli barcha ma’lumotlarni sotuvchiga taqdim etishi;

4.3. Mazkur Shartnoma doirasida buyurtma berilgan Tovar va uni etkazib berish xizmati uchun to‘lovni amalga oshirishi;

4.4. Turli bahsli holatlarni oldini olish uchun buyurtmani rasmiylashtirish vaqtida sotuvchi tomonidan uning saytida keltirilgan ma’lumotlar bilan tanishib chiqishi;

V. BUYURTMANI RASMIYLASHTIRISH.

5.1. Tovarga Xaridor tomonidan xizmatning http://chakana.uz internet manzilida joylashgan maydon orqali buyurtma beriladi. 

5.2. Internet maydonda ro‘yxatdan o‘tish vaqtida Xaridor quyidagi ma’lumotlarni taqdim qilishi lozimdir:

5.2.1. Xaridorning familiyasi, ismi, otasining ismi:

5.2.2. Tovar etkazib beriladigan manzil;

5.2.3. Elektron pochta manzili;

5.2.4. Bog‘lanish uchun telefon raqami.

5.3. Agar sotuvchiga qo‘shimcha ma’lumotlar kerak bo‘lsa, u Xaridordan mazkur ma’lumotlarni so‘rash huquqiga egadir.

5.6. Sotuvchi buyurtmani rasmiylashtirish paytida Xaridor tomonidan taqdim etilgan ma’lumotlarning mazmuni va aniqligiga javob bermaydi.

5.7. Xaridor buyurtmani rasmiylashtirish paytida taqdim qilingan ma’lumotlarning aniqligiga javob beradi.

5.8. Buyurtma rasmiylashtirilgan vaqtdan e’tiboran Xaridor va sotuvchi o‘rtasida masofaviy shaklda tuzilgan oldi-sotdi shartnomasi tuzilgan deb hisoblanadi.

 VI. TOVARNI YETKAZISH VA TOPSHIRISH

6.1. Sotuvchi xaridorga tovarni etkazib beradi.

6.2. Agar oldi-sotdi shartnomasi tovarni Xaridorga etkazib berish sharti bilan tuzilgan bo‘lsa, sotuvchi shartnomada belgilangan muddatda Tovarni Xaridor tomonidan ko‘rsatilgan manzilga etkazib berishga majburdir. 

6.3. Etkazib berish manzilini Xaridor Tovarni sotib olish uchun buyurtmani rasmiylashtirish paytida ko‘rsatib o‘tadi..

6.6. Ushbu shartnomada keltirilgan shartlarga binoan sotuvchi Tovarni sotadi, Xaridor esa to‘lovlarni amalga oshirib, mahsulotni qabul qilib oladi. Buyurtma qilingan Tovarlar uchun mulk huquqi Tovar etkazilgan va uning uchun to‘lov to‘liq amalga oshirilgan vaqtdan boshlab Xaridorga o‘tadi. Tovar Xaridorga etkazib berilgandan keyin tasodifiy/bexos yo‘qotish yoki Tovarning zararlanishi bilan bog‘liq xavflar Xaridor zimmasiga o‘tadi.

VII. To‘lov usullari

7.1. Xaridor to‘lovlarni quyidagi usullarda to‘lashi mumkin:

Bank plastik kartalari;
Istemol krediti xisobidan.


VIII. FORS-MAJOR

8.1. Agar shartnomada ko‘rsatilgan shartlar mazkur shartnoma imzolangandan keyin bartaraf qilib bo‘lmaydigan sabablar tufayli bajarilmay qolsa, tomonlarning har biri shartlarni to‘liq yoki qisman bajarmaslik oqibatida paydo bo‘ladigan javobgarlikdan ozod etiladi.

8.2. «Bartaraf qilib bo‘lmaydigan sabablar» deganda favqulodda holatlar yoki muayyan taraf o‘ziga tegishli vositalar orqali avvaldan ko‘ra bilmagan yoki oldini ololmagan vaziyatlar tushuniladi. Bunday favqulodda holatlar hamda vaziyatlarga jumladan: ish tashlashlar, suv toshqini, yong‘in, zilzila va boshqa tabiiy ofatlar, urush, harbiy harakatlar, O‘zbekison Respublikasi yoki boshqa davlatlardagi organlar faoliyati, shu bilan birga, tomonlarning oqilona nazoratidan chetda bo‘lgan har qanday vaziyatlar kiradi.

8.3. Tomonlarning birortasiga bevosita yoki bilvosita ta’sir ko‘rsatadigan amaldagi qonunchilik yoki normativ hujjatlarning o‘zgartirilishiga bartaraf etib bo‘lmas holat sifatida qaralmaydi. Biroq, tomonlarning mazkur shartnomaga asosan majburiyatlarini bajarishga yo‘l qo‘ymaydigan bunday qonun o‘zgarishlari kiritilgan taqdirda, tomonlar ushbu muammolarni bartaraf etish va mazkur shartnoma shartlarini bajarishda davom etish bo‘yicha ishlash tartibiga doir kechiktirib bo‘lmas qaror qabul qilishlari talab etiladi.  

Ommaviy Oferta matni bilan atroflicha tanishib chiqing. Agar Siz mazkur Ofertaning biror bandida keltirilgan shartlarga rozi bo‘lmasangiz, sotuvchi tomonidan taqdim etiladigan Tovar xaridini bekor qilishingiz mumkin.

Hududingiz Toshkent shahri

Укажите магазин-партнер, на сайте которого цена на выбранный товар ниже
Мы разберемся с этим 😈
  • Samsung
    21 990 000 сум
  • Samsung
    21 990 000 сум
  • Samsung
    21 990 000 сум
  • Samsung
    21 990 000 сум
  • Samsung
    21 990 000 сум